İmkansız, işləmək qabiliyyəti olmayan  ailələrin ən vacib ehtiyacları aylıq ərzaq yardımlarının davamlı olmasıdır. Bu sahədə onlara dəstək olmaq üçün şirkətlərlə, marketlərlə  və s. əməkdaşlıq edirik. Yardımlarımızın sayın artırmaq üçün yeni əməkdaşlıqlara  hər zaman ehtiyac duyuruq.

Təhsil – xalqın və dövlətin uğurlu gələcəyinə aparan yoldur. Bu səbəblə elmə və təhsilə dəstək layihələrimiz fəaliyyətimizdə xüsusi yer tutur. 2012-ci ildən etibarən hər il Bakı və bölgələrdən olan imkansız, lakin istedadlı abituriyentlərə hazırlıq məşğələlərində dəstək oluruq.

İnsanlığın ən çətin imtahanlarından olan xəstəlik problemləri maddi imkansızlıqla bir arada olduğunda daha da ağır olur. Tibbi yardımlarla imkansız ailələrə hədiyyə edilən sevinc – onlarda insanlığa sevgi, gələcəyə ümid və xeyrə inam hisslərin artılır. Bu sahədə bizə daim dəstək olan “Könüllü Həkimlər” klubumuzun üzvlərinin böyük əməyi və dəstəyi var.

Bəzən kiçik bir hədiyyə, bəzən adi bir əşya , bəzən ehtiyac duyulan geyim və ya balaca dostlarımız üçün oyuncaq – bir ailənin böyük sevincinə səbəb ola bilər. İmkansız ailələrin geyim, məişət avadanlıqları, mebel, odun və s. ehtiyacların Sizlərin dəstəyi ilə tamamlamağa çalışırıq.

Bu fəaliyyət sahəmiz  illərlə evi olmayan, acınacaqlı vəziyyətdə olan ailələr üçün yeni evin tikilməsi və evi olan, lakin çox şəraitsiz vəziyyətdə yaşayan ailələr üçün təmir işlərinin aparılmasını əhatə edir.

Qeydiyyatımızda olan həssas qrupa aid  və psixoloji dəstəyə ehtiyac duyan şəxslərə psixoloqlarımız tərəfindən professional dəstək göstərilir. Həmçinin bu sahədə xüsusi yer valideyn himayəsindən məhrum balalarımıza da ayrılır.

Maarifləndirici tədbirlər – Bizlərə əmanət balaların təhsildə uğuru ilə yanaşı, onların sosial-mədəni inkişafı, dünyagörüşünün formalaşması məqsədilə ictimai tədbirlərdə iştirakına önəm verilir.