“Bakutel 2019” – daha böyük, texnoloji və parlaq!
- Tarix: 03 Sentyabr 2019 - 06 Sentyabr 2019 Saat:11:00 - 18:00
- “Bakı Ekspo” Sərgi və Toplantı Mərkəzi
“Yüksək Texnologiyalar Həftəsi”nə start verərək 3-6 dekabr tarixlərində 25-ci Azərbaycan Beynəlxalq Telekommunikasiya, İnnovasiya və Yüksək Texnologiyalar “Bakutel” Sərgisi keçiriləcək. Sərgi 25 illik yubileyini yeni brend və formatda təntənəli şəkildə qeyd edir.
Azərbaycan Respublikasının Prezidenti Zati-aliləri İlham Əliyevin sərgini hər il ziyarət etməyi sərginin yüksək statusunu təsdiq edir.
25 ildir ki, İT məhsul və xidmətlərin nümayişi üçün əsas sahə olan “Bakutel” sərgisi telekommunikasiya sahəsinin aparıcı oyunçularını bir araya gətirir. Sərgi Xəzər bölgəsindəki ən böyük İT sərgisi olmaqla yanaşı, həmçinin netvorkinq və işgüzar kontaktların qurulması üçün unikal məkandır.
Fəaliyyətlərində hər zaman xeyriyyəçiliyə xüsusi yer ayıran təşkilatçıların dəstəyi ilə Damla İB olaraq biz də bu sərgidə iştirak edirik.
“Bakutel” sərgisi yeniliklərin nümayişi üçün ölkənin ən böyük qovşağıdır. Bu il sərgidə təxminən 50 startapı iştirak edəcək və müxtəlif fəaliyyət sahələri üçün öz layihələrini təqdim edəcəklər.
“Bakutel” sərgisinin işgüzar proqramına kommunikasiya, dialoq və effektiv həll variantlarının axtarışı üçün müasir platformalar: “İnnovasiyalar zonası” və “Təqdimatlar zonası” daxildir.
Artıq ənənəyə çevrilmiş “B2B” formatlı görüşlər sərgi iştirakçıları və şaquli bazarları təmsil edən şirkətlər arasında işgüzar əlaqələrin qurulması, eləcə də yeni tərəfdaş və innovativ həllərin axtarışı üçün əlavə platforma rolunu oynayacaq.
Sərgi çərçivəsində “Bakutel Tech Talks” Beynəlxalq Müzakirə Platforması təşkil ediləcək. Dolğun məzmun, yüksək səviyyəli məruzəçilər və qızğın müzakirələr rəqəmsal texnologiyalar aləminə dalmaq, bununla da sərginin iştirakçı və ziyarətçilərinə gələcəyə nəzər salmaq və sektorun ən vacib təmayüllərini izləmək kimi unikal fürsət verəcək.
25İLLİK UĞUR:
- 3000 şirkət
- 50 ölkə
- 160 000 ziyarətçi
Ünvan
“Bakı Ekspo” Sərgi və Toplantı Mərkəzi
AZ1050, Azərbaycan, Bakı,
Heydər Əliyev pr., 515
“Bakı Ekspo” Sərgi və Toplantı Mərkəzi Heydər Əliyev adına Beynəlxalq Hava Limanından 3 dəqiqəlik məsafədə yerləşir.
Sərgi ziyarətçiləri şəhər nəqliyyatından faydalana bilərlər:
“Koroğlu” metro stansiyasından – N 136, 160, 171
